Hakimov Zohid

Таклиф Хоразм вилояти 2019-08-06 12:49:28

Umumta‘lim maktabiga aylantirilgan kasb-hunar kollejlarining bazasida o‘quv-ishlab chiqarish majmualari (O‘ICHM) tashkil qilish imkoniyati mavjud, lekin bu masala ochiq qolmoqda. Yangi o‘quv yili boshlanishiga 25 kun qoldi, lekin umumta‘lim maktablarining 10-11-sinf o‘quvchilari qayerda kasb o‘rganadi, ularga o‘tgan yillarda kollejlarda dars berib, hozirda ishsiz qolgan o‘qituvchilar nima qilsin? Taklifim shuki, har bir umumta‘lim maktabida 10-11-sinflar uchun O‘ICHM tashkil qilinsin. Natija: o‘quvchilar kasbga ega bo‘lishadi, o‘qituvchilar ish bilan ta‘minlanadi. Har bir maktabda O‘ICHM bo‘limi tashkil qilib, bo‘lim boshlig‘i yoki shunga o‘xshash shtat birligi berish kerak

Маъсул идоралар

Ўзбекистон Республикаси Халқ таълими вазирлиги

Жавоблар

Ўзбекистон Республикаси Халқ таълими вазирлиги

Ўзбекистон Республикаси Президенти Ш.Мирзиёев ҳузурида 2019 йил 15 июлда узлуксиз профессионал таълим тизимини янада такомиллаштириш масаласига бағишланган мажлис ўтказилган. 

Ушбу мажлис баёнида узлуксиз профессионал таълим тизимини жорий этиш мақсадида Ўзбекистон Республикаси Президентининг “Касб-ҳунар таълими тизимини янада такомиллаштиришга доир қўшимча чора-тадбирлар тўғрисида”ги Фармони лойиҳасини киритиш белгиланган.

Мазкур ҳужжат лойиҳасида таълимнинг халқаро стандартлари квалификациясига мос касб-ҳунар таълими тизимини жорий қилиш кўзда тутилмоқда.

Бугунги кунда касб-ҳунар таълими соҳасида амалга оширилаётган ислоҳотлар доирасида ўқув-ишлаб чиқариш мажмуаларида 10-11-синф ўқувчиларига касб-ҳунар ўргатиш тизимини ҳам ислоҳ қилиш режалаштирилган. 

Шу сабабли, мурожаатда кўтарилган умумтаълим мактаблари тасарруфига берилган касб-ҳунар коллежлари ўқув устахоналарида ўқув-ишлаб чиқариш мажмуаларини ташкил қилиш, уларга юридик мақом бериш, штатлар ажратиш ва бошқа масалаларни ҳал этиш имконияти мавжуд эмас.


Изоҳлар

Temirov 2020-11-11 11:07:46

Taklif