Зайниддинов Камолхўжа Олимхўжаевич
Taklif 2020-11-23 16:43:16
Ишчи ходимлар учун ижтимоий суғурта пакетларини жорий қилиш керак, ўз навбатида бу суғурта пакетлари ушбу ишчи ходимларнинг арзон уй жой билан таъминланишларига асос бўлиши керак.(Тошкент вил)

Аннаев Рустам
Taklif 2020-11-23 16:19:20
Вилоятларда мавжуд бўлмаган олий таълим йўналишлари бўйича маҳаллий ёшларга Тошкент шаҳри ёки бошқа вилоятлардаги ОТМларда онлайн таълим олиш имкониятини яратиш.

Азимов Феруз Абсаматович
Taklif 2020-11-23 16:18:46
Чекка ҳудудларни арзон ва тезкор интернет тармоғи билан таъминлаш.

Аннаев Рустам Холмаматович
Taklif 2020-11-23 16:18:04
Аҳоли тиббий билими ва маданиятини ошириш, соғлом турмуш тарзини самарали тарғибот қилиш мақсадида алоҳида телеканал очиш.

Даврон Кесимов
Taklif 2020-11-23 16:17:21
Қашқадарё вилоятида йилнинг ёз фаслида ҳаво-ҳарорати кескин кўтарилишини инобатга олиб аҳоли чумилиши учун сув ҳавзаларини кўпайтириш.

Аннаев Рустам
Taklif 2020-11-23 16:15:54
Яқин йилларда аҳоли учун қурилган янги намунали уй-жой массивларида мавжуд ижтимоий-иқтисодий инфратузилмани инвентаризациядан ўтказиш (мактаб, боғча, оилавий поликлиника, ички йўллар, ташқи ёритқичлар, деҳқон бозори, МФЙ маъмурияти, кучалар номи, уй рақамлари ва ҳоказо). Мавжуд камчиликларни 2021 йил учун маҳаллий дастурларга киритиш орқали инфратузилмадаги камчиликларни бартараф этиш.

Аннаев Рустам Холмаматович
Taklif 2020-11-23 16:13:28
Жамоат ташкилотлари фаолиятини оммалаштириш ҳамда ёшлар ўртасида ушбу сектор жозибадорлиги ошириш мақсадида айрим ОТМларда уларни фаолияти билан яқинроқ таништириш тизимини йўлга қўйиш. Ўз навбатида бу чоралар келажакда учинчи секторга ёш кадрлар оқими таъминлайди.

Саидов Тохир Тўланбоевич
Taklif 2020-11-23 16:09:54
Республика аҳолисини ичимлик суви билан таъминлаш соҳасида инновация ғоялари танловини ташкиллаштириш орқали ҳар бир ҳудудга мос сув таъминот тизимини жорий қилиш керак.(Тошкент вил)

Саттарова Хулкарой Набижоновна, Андижон вилояти
Taklif 2020-11-23 15:48:13
Необходимо создать единый реестр получателей социальной помощи (предварительные наработки были у Минтруда и Всемирного банка). Возможно, имеет смысл продолжить работу по социальной защите уже в рамках нового Министерства махалли и семьи либо создать отдельное Министерство/Агентство по соцзащите.

Жабборо Элдор Фурқатович
Taklif 2020-11-23 15:46:58
Ҳудудлардаги мавжуд мактабгача таълим ташкилотларида озиқ-овқат маъсулотларини етказиб берилишида (корхоналарни танлашда) шаффофликга амал қилишда ушбу маҳсулотларни етказиш билан шуғулланувчи тадбиркорларнинг электрон базасини шакллантириш ҳамда ижтимоий тармоқларда тендерни эълон қилиш. (бу маҳсулотлар арзон ва сифатли бўлиш шарти билан)

Комолов Миржалол Мухиддин ўғли, Андижон вилояти
Taklif 2020-11-23 15:46:18
Таклиф: Сифатсиз уйлар қуришнинг олдини олиш мақсадида илгари қурилиш ташкилотлари ўртасидаги тендерлар Қурилиш вазирлигининг Тендер-консалтинги орқали уюштирилган. Ўша пайтда тендерда қатнашиш учун пудратчилар муайян шартларга жавоб бериши, масалан, малака ва кўникмага эга бўлган ишчи-ходимларга эга бўлиши, банкдаги ҳисоб-рақамида маълум бир миқдорда маблағи бўлиши талаб этилган. Кейинчалик бу ваколат маҳаллий ҳокимликларга ўтиб кетган. Ҳозирги кунда уй-жойларни қуриш, ҳаттоки, давлат дастурига киритилган иншоотларни қуриш учун тендер ўтказилмаятганлиги холатлари кўп учрамоқда, фақатгина маҳаллий ҳокимлик органларининг ўзи танлов ўтказиб, объектларни қурилиш-пудрат ташкилотларига бераётгани оқибатида сифатсиз биноларни қурилишига сабаб бўлмоқда.

Қобилжонов Ахрорбек Қудратович, Андижон вилояти
Taklif 2020-11-23 15:45:32
Мутахассисларни тайёрлаш, қайта тайёрлаш ва малака ошириш дастурига андрагогика қоидаларини жорий қилиш; Ушбу тавсияларнинг амалиётга татбиқ этилиши республика катта ёшдагилар ва ҳаёт давомидаги таълим соҳаларини ривожлантиришга катта ҳисса қўшиши мумкин Кўплаб чет эл мамлакатларида оммавийлашган Катта ёшдагилар таълим муассасалари Халқ Университети – маълумот даражаси ва ёшидан қатъий назар маданиятни ва касбий маҳоратни оширишга кўмаклашувчи оммабоп маърифат муассасасидир. Халқ Университети кўпинча катта ёшдагилар таълим тизимига киритилади. Биринчи Халқ Университети 1844 йилда Данияда Н.Ф. Грундтвиг томонидан ташкил қилинган. XIX асрнинг 40-70 йилларида бундай турдаги ўқув муассасалари Скандинавия мамлакатларида, Германия ва Финляндияда пайдо бўлган. Бошқа турдаги Халқ Университети Англияда ривож топди, 1870 йилда Кембриж университети қошида Очиқ университет ташкил қилинди. Бу ерда университет профессорлари маърузалар ўқишарди ва машғулотлар олиб боришарди.

Турсунова Наргиза Элдоровна, Андижон вилояти
Taklif 2020-11-23 15:44:47
Таклиф: Ёш оилалар билан ишлаш ва уларнинг ажрашиб кетиши олдини олиш мақсадида ибратли амалларни бажараётган “Оила” илмий-амалий тадқиқот маркази томонидан оиланинг асосий бўлаги бўлган – фарзандларнинг носоғлом муҳитда қолмаслиги ва қаровсиз болалар тарбияси учун ҳам масъулиятдорликни зиммасига олса, мақсадли дастурлар тузилса, натижадорликка эришилади. Ваҳоланки, ёш оилалар ўртасида ажримлар сонини қисқартириш борасидаги асл мақсад – болаларнинг ота-онасиз қолиши ҳамда ўсмирларнинг ҳам ноқобил йўлларга кириб кетишининг олдини олиш билан боғлиқ.

Ахмедова Лализа Санжаровна, Андижон вилояти
Taklif 2020-11-23 15:44:00
Таклиф: 2021 йил Давлат дасутрини ишлаб чиқишда ижтимоий соҳа ҳисобланган ногиронлиги бўлган шахсларга, ёшларга оид интерфаол дастурларни ишлаб чиқиш.

"Юксалиш" умуммиллий ҳаракати Самарқанд вилоят бўлинмаси
Taklif 2020-11-23 15:38:47
Кам қувват билан фаолият юритаётган таълим муассасларида ўқитувчиларни тўлиқ иш билан таъминлаш муаммоси мавжуд. Шу сабабли педагогика йўналишидаги олий таълим муассасаларида қус (жуфт) фанлар бўйича кадрлар тайёрлашни ташкил этиш (жорижий давлатлар, жумладан Германияда мавжуд). Масалан, кимё-биология, биология-кимё, математика-физика, физика-информатика, математика-информатика ва ҳоказо. Бунда биринчи фанга изоҳ берилади. - Насимов Ҳусан Абдураҳмонович

"Юксалиш" умуммиллий ҳаракати Самарқанд вилоят бўлинмаси
Taklif 2020-11-23 15:38:13
Олий таълим муассасаларига ўқишга киришда Халқаро мусобақалар, Халқаро фан олимпиадалари ғолибларидан бошқа барча имтиёзларни бекор қилиш лозим. - Насимов Ҳусан Абдураҳмонович

"Юксалиш" умуммиллий ҳаракати Самарқанд вилоят бўлинмаси
Taklif 2020-11-23 15:37:28
Ўзбекистон тарихининг 1000 йилдан ортиқ даври араб алифбосида яратилган адабиётлардан иборат. Шу адабиётларнинг катта қисми ўрганилмасдан келинмоқда. Шу муносабат билан араб алифбосига асосланган эски ўзбек ёзувини ўқитишни ташкил этиш керак. - Насимов Ҳусан Абдураҳмонович

"Юксалиш" умуммиллий ҳаракати Самарқанд вилоят бўлинмаси
Taklif 2020-11-23 15:36:42
Ҳудудий касбий таълимни ривожлантириш ва мувофиқлаштириш бошқармаларида профессионал таълим муассасалари ходимларини рағбатлантириш жамғармаларини ташкил этиш. - Насимов Ҳусан Абдураҳмонович

Собиржон Худойбердиев
Taklif 2020-11-23 15:33:49
Мактабгача таълимнинг қамровини кенгайтиришга қаратилган чора-тадбирларни амалга ошириш учун аввало мактабгача таълим муассасасига қабул қилишдаги сунъий тўсиқларни бартараф қилиш лозим

Собиржон Худойбердиев
Taklif 2020-11-23 15:33:17
Тиббиёт кадрларини тайёрлашда монопол ўқитиш тизимидан воз кечиб, бир бири билан рақобатлашадиган ОТМлар сонини кўпайтириш лозим.