СOVID-19 билан касалланиш натижасида вафот этган нафақадаги фуқароларнинг оила аъзоларига уларнинг нафақа пулини 2021 йил давомида тўлаб бориш керак.

Оилавий даромад миқдоридан қатъий назар ёш болали оилаларни давлат томонидан иқтисодий қўллаб-қувватлаш тизимини жорий этиш зарур.

Ҳар бир шаҳар ва туманда 24/7 режимида ишлайдиган замонавий кутубхоналар тизимини ривожлантириш.

Давлат ижтимоий буюртмаси орқали аҳолини қайта касбга ўқитиш жараёнига ННТларни кенгроқ жалб этиш зарур.

Ҳудудда ишсиз ёшлар, айниқса хотин-қизларни бандлигини таъминлашда касбга қайта ўқитиш фаолиятини кучайтиришда ҳудуддаги йирик ишлаб чиқариш ҳамда қўшма корхоналарида шартнома асосида малака ошириб, келгусида иш билан таъминлаш чораларини амалга ошириш.

Мамлакатимизда озодликдан маҳрум этилган хамда жазони ижро этиш муассасаларидаги фуқароларнинг ҳуқуқ ва мажбуриятларини янада ҳам такомиллаштириш, ҳамда улар озодликга чиққанларидан сўнг, иш билан таъминлашда аниқ бир меҳанизм ишлаб чиқиш. Улар учун алоҳида иш квоталарини ташкил этиш.

“Обод маҳалла”, “Обод қишлоқ” дастури доирасида ҳудудларда белгиланган вазифалар тўлиқ амалга оширилмай қолмоқда. Ушбу вазифаларни амалга оширилишида жамоатчилик назоратини (мониторинг) йўлга қўйиш, ушбу орқали маҳаллий кенгашлар муҳокамасига қўйиб, ижросини таъминлаш чораларини кўриш. (таклиф ва тавсиялар бериш).

Амалдаги низомда малака оширишга келаётган мактаб ўқитувчилари 3-5 йилгача бўлган вақт оралиғида малака оширишга жалб қилинади. Шиддат билан ривожланаётган даварда ҳар бир педагогдан замон билан ҳамнафас булиб ишлашни давр тақозаси ҳисобланади. Мактабда ишлаётган ҳар бир педагог ҳар йили 30-36 соат малака ошириш ҳудудий марказларига жалб қилиниши мақсадга мувофиқдир.

Ҳудудларда ҳозирда қурилаётган уй-жойларнинг кўпи сифатсиз қурилиб, аҳоли томонидан норозичилик ҳолатлари кузатилмоқда. Қурилиш тизимида суғурта қилишни йўлга қўйиш мақсадга мувофиқдир. Ушбу суғурта тизими йўлга қўйилса, аҳолига моддий томондан зарар етказилган тақдирда суғурта ҳисобидан қопланар эди. Қурилиш фирмаларга хам енгилликлар яратилар эди.

Олий таълим муассасалари институтлари ректорлари ва проректорларини олий ва ўрта махсус таълим вазирлиги томонидан тайинланиш эмас, балки уларни сайлаш тизимини йўлга қўйиш мақсадга мувофиқ бўлар эди. Ушбу тизим йўлга қўйилса коррупция холатларига қисман барҳам берилар эди.

Халқ депутатлари вилоят Кенгаши ҳузуридаги нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фондини маҳаллий бюджетдан молиялаштириш бўйича Бюджет кодексига ўзгартириш киритиш

Юртимиздаги фаолият кўрсатаётган ҳар бир миллий-маданий марказ кунини ёки ҳафталигини нишонлаш орқали юртимиз фуқаролари, айниқса ёшларининг қардош юртлар маданий меъроси билан кенг танишишига эришиш

Юртимизда нишонланадиган ҳар бир соҳанинг касб байрамларининг юқори савияда нишонланишига эришиш, соҳа вакиллари илғорларининг меҳнатларини эътироф этиш ва рағбатлантириш

Аҳоли орасида соғлом турмуш тарзини тарғиб этиш, алкоголь ва тамаки маҳсулотларини истеъмол қилишнинг зарарли таъсиридан аҳоли, айниқса ёшларни ҳимоя қилишга қаратилган қонун лойиҳаси юзасидан давлат ва нодавлат ташкилотлар, ОАВ учун давра суҳбатлар, матбуот ва бошқа тарғибот анжуманлар ўтказиш, жамоат мониторинг ва парламент назоратларини ташкил этиш ҳамда натижалари ва хулосаларини Ўзбекистон Республикаси Соғликни сақлаш вазирлиги ва Ўзбекистон Республикаси Олий Мажлис Қонунчилик палатасига киритиш ва шу мавзуга оид ҳуқуқий-меъёрий ҳужжатларни ишлаб чикиш.

Ўзбекистонда ноодатий спорт турларини оммалаштириш керак. Ҳозирда расман ўтказилмай келадиган ва жаҳонда тан олинган турли йўналишлар бўйича

Олийгоҳ бакалаврдан юқори даража вакиллари учун ҳам ўқиб ва ҳам ишлашига етарли шароит яратиш, бунда асосан уларнинг асосий иш жойларидаги 1 ставка тўлиқ иш ўрнини сақлаган ҳолда амалга ошириш тизимини яратиш.

Аҳоли талабидан келиб чиқган ҳолда, янги йўналишлар очиш керак ва мавжудларини қайта кўриб чиқиш, автобус бекатларини реконструция қилиш, бунга хусусий секторни жалб қилиш зарур

Юртимизда ишлаб чиқарилаётган автобусларнинг нархи хорижникига нисбатан жуда юқори, шу боис маҳаллийлаштириш даражасини ошириб, автобус ва микроавтобуслар нархини тушириш муҳим.

Вилоятларда транспорт паркини янгилаш учун келгуси йилда қўшимча автобусларга эҳтиёж мавжуд. Давлат дастурига киритиш мақсадга мувофиқ.

Сингапурда кўплаб зарур хизматларни, масалан, паспорт ва туғилганлик ҳақидаги гувоҳномани уйда зарур шаклларни тўлдириб, тегишли органларга электрон почта орқали юбориш орқали олишингиз мумкин. Ҳукумат бундай хизматларни Интернет орқали тақдим этиши одатий тарз сифатида қабул қилинади. Шуни таъкидлаш керакки, агар фуқаро ушбу хизматларни олиш учун муассасага шахсан ташриф буюрса, у ҳолда ушбу муассасага алоҳида эҳтиёжсиз келганлик учун унга жарима солинади. Ўзбекистонда ҳам шу тизимни жорий қилишни таклиф этаман.