Мусаева Ойдиной
Taklif 2020-11-17 15:17:53
Фарғона шаҳрида 3 та театр мавжуд бўлдиб, вилоят мусиқали драма театри, вилоят рус драма театри, Вилоят қўғирчоқ. Марғилон шаҳрида 1 та мусиқали мақом театри мавжуд. Улардаги аксарият театр ходимлари Фарғона шаҳрининг қўшни туманларидан келиб ишлайдилар. Театр ходимларини меҳнат фаолиятини самарадорлигини ошириш, ижодкорларга қулай шароитлар яратиб бериш мақсадида Фарғона шаҳар марказидан “Ижодкорлар уйи” хизмат уйларини ташкил этиш лозим ("Юксалиш" умуммиллий ҳаракати Фарғона вилояти ҳудудий бўлинмаси)

Тошназаров Бахтиёр Махаммадиевич (Навоий)
Taklif 2020-11-17 15:16:10
Нодавлат оммавий ахборот воситаларини, ахборот ва таҳлилий Интернет сайтларни молиявий қўллаб-қувватлашни назарда тутиш

Juraqulov Dilshod (Navoiy)
Taklif 2020-11-17 15:07:14
Korxonalarda turli lavozimlarga ishga olinadi ular soni judda ko'p lekin ular orasida achinish bilan aytish kerak ratsanilizator yoki innovator lavozimlari yuq yoki ummuman bo'magan ham tushunish qiyin vaholanki hozirgi zamon taraqiyotidan orta qolmaslik uchin bu insonlarni xizmati beqiyos bo'lishi mumkin. Hech bo'lmaganda ming kishi ishlaydigan korxonaga aynan shu kasb vakillaridan ikkishi bo'lishi va korxonada faolyat olib borishi menimcha maqsadga muvofiq bo'ladi.

Маматқулов Музаффар (Жиззах)
Taklif 2020-11-17 15:05:21
Мавсумий ва ёлланма ишловчи фуқароларни соҳа йўналиши бўйича иш билан таъминлаш чора-тадбирларини ишлаб чиқиш. Шунингдек, “мардикорлар бозори”ни (улар орасида олий маълумотга эга бўлган фуқаролар хам учрайди) тартибга солиб, уларни иш билан таъминлаш механизмини ишлаб чиқиш.

Рахмонов Дилшод Шайзакович (Жиззах вилояти)
Taklif 2020-11-17 15:01:07
Ногиронлиги бўлган фуқаролар, ижтимоий ҳимояга муҳтожларга республикамиздаги тиббий муассасаларда даволанишлари учун ҳудудларда берилаётган йўлланмалар (ордерлар) берилишини тартибга солиш (коррупция холатларини олдини олиш). Ҳуқуқ тартибот идоралари билан хамкорликда жамоатчилик назоратини йўлга қўйиш.

Содиқов Ҳабибулла Рустамович
Taklif 2020-11-17 15:00:42
Йўллар ва кўчаларни давлат шерикчилиги асосида хусусийлаштириш орқали йўл ва кўчаларни ободонлаштириш имкониятларини ўрганиш.(Тошкент вил)

Рахмонов Дилшод Шайзакович (Жиззах вилояти)
Taklif 2020-11-17 14:58:45
Вилоятларда айланма ҳалқа йўлларини кўпайтириш ва кенгайтириш керак. Шунингдек, олис қишлоқ жойларга (шаҳардан 60-70 км узоқ) автобус қатновини йўлга қўйиб, автобус бекатларини қуриш чораларини кўриш.

Худойбердиев Сарварбек, Андижон вилояти
Taklif 2020-11-17 14:46:35
Бозор иқтисодиётига ўтиш даврида соҳаларда етук кадрлар билан таъминланиши асосий муаммо ҳисобланиб келмоқда. Ишлаб чиқариш таълимдан 10-15 йил олдинда. Илм-фан ва ишлаб чиқаришни интеграция қилиш зарур. Бунда – Ишлаб чиқариш корхоналари қошида илмий технологик марказлар ташкил қилиш. Бу интеграциянинг асосий йўналишларидан бири бўлади; – Профессор-ўқитувчиларни технологик тадбиркорликка ўқитиш; – Талабаларга халқаро конференцияда қатнашиш учун грандлар ажратиш;

Собирова Барно Илясовна, Андижон вилояти
Taklif 2020-11-17 14:45:38
Ижтимоий нафақалар ва фуқароларнинг ўзини ўзи бошқариш органлари орқали берилувчи моддий ёрдамни тайинлаш ва тўлов тартиби ҳам бугунги кунда етарли даражада самарали эмас. Жуда кўп ҳолатларда нафақа ва моддий ёрдамларни ҳақиқатда унга муҳтож оилаларга эмас, балки иқтисодий барқарор оилаларга тайинланиши аниқланган. Ажратилган маблағларнинг мақсадли ишлатилиши бўйича маҳаллий ҳокимият вакиллари томонидан етарли даражада назорат ўрнатилмаган, ижтимоий адолат тамойили ҳамда очиқлик, оммавий ошкоралик тамойиллари тўлиқ таъминланмаган.

Қосимов Фурқатбек Солижонов, Андижон вилояти
Taklif 2020-11-17 14:45:05
Давлат дастурига тоғли худудлар зонасига кирувчи қишлоқ жойларидаги йўл инфратузилмасини қайтадан реконструкция қилиш зарур. Бу эса ўз навбатида йўл инфратузилмаси талаб даражасига жавоб бермасилиги оқибатида юз берадиган кўплаб авария ҳолатларини олдини олишни таъминлайди. Андижон вилояти худудидаги зоналар дастурга киритилиниши зарур

Хўжамбердиев Бобур Русулбек ўғли
Taklif 2020-11-17 14:44:28
Корхоналар томонидан ишчи ҳодимларга карантин даври тугагинига қадар ходимларга нисбатан ойлик моаш пул маблағлари берилишни таъминлаш ҳамда ишчи ҳодимлар карантин даври тугаганидан сўнг ушбу маблағларни иш жараёнида тўлаб бориш механизимни жорий қилиш.

Жуманиязов Жасурбек Хоразм
Taklif 2020-11-17 14:27:48
Ҳалқ таълими тизимидаги барча мактабларни ихтисослаштириш лозим. Яъни мактабаларда ўқиётган ўқувчиларга 10 та фан эмас. 4 синфдан кейин ўзлари қизиққан соҳа бўйича ўқитиш лозим яъни аниқ фанларга ихтисослаштирилга ёки ижтимоий, табийй, касб-хунар фанларга ихтисолаштирилган мактаблар сони кўрпайтириш лозим.

Ибрагимова Гулноза Рузматовна Хоразм
Taklif 2020-11-17 13:32:14
Ҳар йили қишлоқ ва шаҳарларда намунавий лойиҳалар бўйича қуриладиган арзон уй-жойларнинг 10 % гача қисмини жисмоний тарбия ва спорт тизими спортчиларига 20 йил муддатга, 5 йиллик имтиёзли давр билан имтиёзли ипотека кредитлари асосида уй-жой ажратиш.

Ибрагимова Гулноза Рузматовна Хоразм
Taklif 2020-11-17 13:30:59
Касбий таълим тизимида ўқув режа ва фан дастурларини кадрлар буюртмачилари талабларига мослаштириш: давлат таълим стандартлари, мавжуд ва очилиши режалаштирилган таълим йўналишлари ва мутахассисликлар бўйича малака талаблари, ўқув режалари ҳамда фан дастурларини ишлаб чиқариш корхоналарининг тавсияси асосида ҳамда хорижий тажрибадан фойдаланилган ҳолда такомиллаштириш.

Зайниддинов Камолхўжа Олимхўжаевич
Taklif 2020-11-17 13:23:03
Таълим тизимини ислоҳ қилиш. Ўқитувчи имконияти ва эҳтиёжларини ифода этиб давр ва замонга мос бўлган ижтимоий ҳаёт билан уйғунлашиб кета оладиган таълим тизимини яратиш. Бунинг учун таълимдан кооррупцияни йироқлаштириш, мактабларни давр талаби асосида жиҳозлаш, ўқитувчини эҳтиёжларни қондира оладиган ойлик маош билан таъминлаш, таълим тизимида ошкораликни таъминлаш.(Тошкент вил)

Содиқов Ҳабибулла Рустамович
Taklif 2020-11-17 13:15:20
Халқаро миқёсдаги тадбирларда, танловларда, мусобақа ва олимпиадаларда давлатимиз рамзини ифодаловчи байроғимизнинг 2021 йили қабул қилинганлигига 30 йил бўлганлиги муносабати билан аҳолини кенг қамраб олувчи тадбирлар ўтказиш. (Тошкент вил)

Бакиров Отабек (Жиззах вилояти)
Taklif 2020-11-17 12:24:36
Олий таълим ва ўрта махсус, касб-ҳунар таълими муассасаларида ислом динининг инсонпарварлик моҳиятини, тинчлик ва дўстлик мақсадларига хизмат қилишини тарғиб этувчи семинар-тренинглар, акциялар ўтказиш ҳамда Ислом университети олим ва профессорларининг вилоят ҳудуди бўйича таълим муассасаларида учрашув ва давра сухбатларини ўтказишни йўлга қўйиш.

Аннаев Рустам Холмаматович
Taklif 2020-11-17 11:45:17
Ўқитувчиларга юқори иш ҳақи белгилаш жараёнида таниш-билиш, қариндош-уруғчилик ҳамда коррупция ҳолатларини олдини олиш мақсадида, ўқитувчининг дарс бериш маҳорати хусусида жамоатчилик фикрини инобатга олиш зарур. Бу борада ўқувчиларнинг ҳамда уларнинг ота-оналари фикрини ҳисобга олиш мақсадга мувофиқ.

Аннаев Рустам Холмаматович
Taklif 2020-11-17 11:44:25
Юқори маҳорат ва малака даражасига эга бўлган ўқитувчиларга юқори иш ҳақи тўлаш тизимини жорий этиш.

Раимқулов Нуъмон Раимқулович
Taklif 2020-11-17 11:43:35
Шаҳрисабз шаҳрига келаётган туристларнинг аксарияти вилоят ҳудудида 1 кундан кўп қолмаётганлигини инобатга олиб, Қашқадарёдаги шаҳар ва туманлараро туристик маршрут, “Йўл бўйи туризм” инфратузилмасини ривожлантириш.