Бакиров Отабек (Жиззах вилояти)
Taklif 2020-12-01 16:53:59
Маҳаллий кенгаш депутатларининг малакасини оширишда хорижий давлатларнинг тажрибасини ўрганиш мақсадида хорижий давлатларга хизмат сафарини уюштириш.

Абдуниязов Хусан Нуриллаевич
Taklif 2020-12-01 16:53:20
Шаҳарсозлик ва инфратузилмани янада хам ривожлантириш учун кўприклар қуриш ҳамда автотранспорт тирбанд жойларда, одамлар гавжум жойларда (бозорлар) фуқаролар хавфсизлигини таъминлаш мақсадида осма кўприклар қуриш.

Маматқулов Музаффар
Taklif 2020-12-01 16:52:41
Халқ таълими соҳасида (педагоглар учун ҳамда тизимдаги янгиликлар, қарор ва бўйруқлар юзасидан) жойлаб боришда Халқ таълим вазирлиги қошида алоҳида махсус телевизион канал ташкил этиш.

Мурод Хаитов (Жиззах)
Taklif 2020-12-01 16:41:11
Аҳолининг ижтимоий ҳимояга мухтожлар қатлами туршмуш даражасини яхшилаш, уларда тадбиркорликка бўлган хохиш истакларини янада ошириш мақсадида тадбиркорликка оид ўқув марказлари фаолиятини жонлантириш, етук тажрибага эга бўлган тадбиркорлар иштирокида “Маҳорат дарслари”ни ташкил этиш.

Давлетшин Анвар
Taklif 2020-12-01 16:37:19
Европадаги машҳур футбол клублари филиалларини вилоятларда ҳам очиш керак.

Шухрат Муродов
Taklif 2020-12-01 16:36:41
Экологик вазиятни яҳшилаш ва соғлом турмуш тарзини тарғиб қилиш мақсадида ҳар ҳафта автомобилсиз кун, велосипедда ҳамда пиёда юришни тарғиботини тизимли йўлга қўйиш.

Очилов Фарход
Taklif 2020-12-01 16:35:43
СOVID-19 билан касалланиш натижасида вафот этган нафақадаги фуқароларнинг оила аъзоларига уларнинг нафақа пулини 2021 йил давомида тўлаб бориш керак.

Ражабов Шухрат
Taklif 2020-12-01 16:34:36
Оилавий даромад миқдоридан қатъий назар ёш болали оилаларни давлат томонидан иқтисодий қўллаб-қувватлаш тизимини жорий этиш зарур.

Дусёрова Клара
Taklif 2020-12-01 16:33:08
Ҳар бир шаҳар ва туманда 24/7 режимида ишлайдиган замонавий кутубхоналар тизимини ривожлантириш.

Амирқулова Дилдора
Taklif 2020-12-01 16:30:42
Давлат ижтимоий буюртмаси орқали аҳолини қайта касбга ўқитиш жараёнига ННТларни кенгроқ жалб этиш зарур.

Бахтиёр Тошпўлатов (Жиззах)
Taklif 2020-12-01 15:52:45
Ҳудудда ишсиз ёшлар, айниқса хотин-қизларни бандлигини таъминлашда касбга қайта ўқитиш фаолиятини кучайтиришда ҳудуддаги йирик ишлаб чиқариш ҳамда қўшма корхоналарида шартнома асосида малака ошириб, келгусида иш билан таъминлаш чораларини амалга ошириш.

Нуриддин Холматов (Жиззах)
Taklif 2020-12-01 15:52:05
Мамлакатимизда озодликдан маҳрум этилган хамда жазони ижро этиш муассасаларидаги фуқароларнинг ҳуқуқ ва мажбуриятларини янада ҳам такомиллаштириш, ҳамда улар озодликга чиққанларидан сўнг, иш билан таъминлашда аниқ бир меҳанизм ишлаб чиқиш. Улар учун алоҳида иш квоталарини ташкил этиш.

Хаитов Мурод Суннатович (Жиззах)
Taklif 2020-12-01 15:51:10
“Обод маҳалла”, “Обод қишлоқ” дастури доирасида ҳудудларда белгиланган вазифалар тўлиқ амалга оширилмай қолмоқда. Ушбу вазифаларни амалга оширилишида жамоатчилик назоратини (мониторинг) йўлга қўйиш, ушбу орқали маҳаллий кенгашлар муҳокамасига қўйиб, ижросини таъминлаш чораларини кўриш. (таклиф ва тавсиялар бериш).

Бакиров Отабек (Жиззах вилояти)
Taklif 2020-12-01 15:50:30
Амалдаги низомда малака оширишга келаётган мактаб ўқитувчилари 3-5 йилгача бўлган вақт оралиғида малака оширишга жалб қилинади. Шиддат билан ривожланаётган даварда ҳар бир педагогдан замон билан ҳамнафас булиб ишлашни давр тақозаси ҳисобланади. Мактабда ишлаётган ҳар бир педагог ҳар йили 30-36 соат малака ошириш ҳудудий марказларига жалб қилиниши мақсадга мувофиқдир.

Нуриддин Холматов (Жиззах)
Taklif 2020-12-01 15:49:46
Ҳудудларда ҳозирда қурилаётган уй-жойларнинг кўпи сифатсиз қурилиб, аҳоли томонидан норозичилик ҳолатлари кузатилмоқда. Қурилиш тизимида суғурта қилишни йўлга қўйиш мақсадга мувофиқдир. Ушбу суғурта тизими йўлга қўйилса, аҳолига моддий томондан зарар етказилган тақдирда суғурта ҳисобидан қопланар эди. Қурилиш фирмаларга хам енгилликлар яратилар эди.

Маматқулов Музаффар
Taklif 2020-12-01 15:49:02
Олий таълим муассасалари институтлари ректорлари ва проректорларини олий ва ўрта махсус таълим вазирлиги томонидан тайинланиш эмас, балки уларни сайлаш тизимини йўлга қўйиш мақсадга мувофиқ бўлар эди. Ушбу тизим йўлга қўйилса коррупция холатларига қисман барҳам берилар эди.

Шоим Кенжаев (Cамарқанд)
Taklif 2020-12-01 14:19:49
Халқ депутатлари вилоят Кенгаши ҳузуридаги нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фондини маҳаллий бюджетдан молиялаштириш бўйича Бюджет кодексига ўзгартириш киритиш

Раззақов Ферузбек Ўктамович (Cамарқанд)
Taklif 2020-12-01 12:57:54
Юртимиздаги фаолият кўрсатаётган ҳар бир миллий-маданий марказ кунини ёки ҳафталигини нишонлаш орқали юртимиз фуқаролари, айниқса ёшларининг қардош юртлар маданий меъроси билан кенг танишишига эришиш

Раззақов Ферузбек Ўктамович (Cамарқанд)
Taklif 2020-12-01 12:57:14
Юртимизда нишонланадиган ҳар бир соҳанинг касб байрамларининг юқори савияда нишонланишига эришиш, соҳа вакиллари илғорларининг меҳнатларини эътироф этиш ва рағбатлантириш

махмудов нозимхон
Taklif 2020-12-01 11:39:39
Аҳоли орасида соғлом турмуш тарзини тарғиб этиш, алкоголь ва тамаки маҳсулотларини истеъмол қилишнинг зарарли таъсиридан аҳоли, айниқса ёшларни ҳимоя қилишга қаратилган қонун лойиҳаси юзасидан давлат ва нодавлат ташкилотлар, ОАВ учун давра суҳбатлар, матбуот ва бошқа тарғибот анжуманлар ўтказиш, жамоат мониторинг ва парламент назоратларини ташкил этиш ҳамда натижалари ва хулосаларини Ўзбекистон Республикаси Соғликни сақлаш вазирлиги ва Ўзбекистон Республикаси Олий Мажлис Қонунчилик палатасига киритиш ва шу мавзуга оид ҳуқуқий-меъёрий ҳужжатларни ишлаб чикиш.