Қамбаров Юсуф Умриддинович
Taklif 2020-11-19 17:27:40
Кам таъминланган оилаларни кам таъминланганлигини аниқлашнинг меъёрларини белгиловчи норматив-ҳуқуқий ҳужжат ишлаб чиқиш керак

Хужаев Содиқ
Taklif 2020-11-19 17:22:55
Профиссионал талим тизимини ислоҳ қилишда дуал таълим дастури билан ҳамоҳанг олиб бориши тайёрланадиган кадрларнинг малака кўникмаларини янада оширилишига самара беради.

Ашурова Зебинисо Мамуржановна
Taklif 2020-11-19 16:21:51
Тиббиёт ходимлари орасида порахўрликни камайтириш ва ахолидан тиббий муолажа ва ташхис учун олинадиган пул маблағлари тўхтатиш мақсадида хар бир врач хонаси камералаштириш

Содиқов Ҳабибулла Рустамович
Taklif 2020-11-19 16:20:47
Тиббиёт соҳасида кўрсатиладиган хизматлар ҳаққи масаласини аниқ тизимга солиш механизмини шакллантириб бутун республика бўйича ягона тиббий хизматларга ҳақ миқдорини жорий этиш лозим. (Тошкент вил)

Асатуллаев Анвар ХХХ
Taklif 2020-11-19 16:20:32
Якка тартибда таьлим оладиган ижтимоий химояга мухтож ёшлар учун ажратилган ўқитувчи педагок ходимларни мактаб дарсидан озод қилиш.

Асатуллаев Анвар ХХХ
Taklif 2020-11-19 16:20:01
Ижтимоий химояга мухтож ёшлар тадбиркорлигини ривожлантириш мақсадида вилоят бандликка кўмаклашиш ва мехнат муносабатларини мувофиқлаштириш бошқармаси қошида махсус ўқув курс ташкил этиш

Шотураев Бунёд Алиевич
Taklif 2020-11-19 16:19:05
Олий таьлим муассасаларида таьлим олаётган битирувчи ёшларни иш тажриба олишлари учун бериладиган амалиёт жараёнларини самарадорлигини ошириш мақсадида мутахасислиги бўйича давлат ташкилотларига алхида дастур лойиха ишлаб чиқиш

Ибрагимов Бекмурод Омонбоевич
Taklif 2020-11-19 16:18:52
Саноат, қурилиш, қишлоқ хўжалиги йўналишларидаги техникум ва коллежларда тўлов контракт суммаларини қайта кўриб чиқиш ва нархини камайтириш мақсадга мувофиқ.

Ибрагимов Бекмурод Омонбоевич
Taklif 2020-11-19 16:18:35
Касбий таълим муассасаларига абитуриентлар айнан ижтимоий йўналишларга, яъни тиббиёт, педагогика, туризм йўналишларига ҳужжат топширишмоқда. Вилоятда айнан мазкур йўналишлар мўлжалланган коллеж ва техникумларга ҳужжатлар қабули режага нисбатан 200 фоиздан – 600 фоизгача ошиб кетган. Бу айнан туманларда саноат, иқтисодиёт, қишлоқ хўжалиги ва қурилиш соҳалари етарли ривожланмаганлигидан далолат бериб, ота-оналар ўз фарзандларининг келажагини минимал даражада, тиббиёт, мактабгача таълим ёки мактабларда иш фаолиятини давом эттириши нуқтаи назаридан баҳолаб, ҳужжатларни ушбу йўналишдаги касбий таълим муассасаларига топширишмоқда деган хулоса келиб чиқади.

Юсупов Расулбек Жуманазарович
Taklif 2020-11-19 16:17:37
Маҳаллий давлат ҳокимияти органлари бюджет параметрларида нодавлат нотижорат ташкилотлари ва фуқаролик жамиятининг бошқа институтларининг социал ва ижтимоий аҳамиятга эга фаолиятини қўллаб қувватлан учун ижтимоий бюртмалар ажратиш билан қўллаб-қувваташни назарда тутадиган ўзгартишлар киритиб йиллик маблағлар ажратилиши ва танлов асосида тақдим этиб бориш механизмини жорий этиш лозим.

Ражабов Шухрат Тўйчиевич
Taklif 2020-11-19 15:58:31
Маҳалла фуқаралар йиғини раисини сайлашда тузиладиган ишчи гуруҳ раҳбари ва аъзоларига бюджет маблағлари ҳисобидан бир марталик тўловларни жорий қилиш, бу ишчи гуруҳ аъзолари масъулиятини оширади

Маматқулов Музаффар
Taklif 2020-11-19 15:18:00
Қонунчиликда белгиланган талаблар бўйича хар бир ходим мехнат фаолиятини олиб бораётган соҳаси талабларидан келиб чиққан холда бир йилда ёки олти ойда бир маротаба тиббий кўрикдан ўтиши белгилаб қўйилган. Бугунги кунда тиббий кўрикдан ўтказиш соҳалар кесимида пуллик хизмат миқдори белгилаб қўйилган. Лекин ушбу масалада ташкилотларнинг йиллик харажатлар сметасида кўрсатилмаган. Бу ўз навбатида ушбу масалада ходимларга қийинчиликлар келтириб чиқармоқда.

Абдуниязов Хусан Нуриллаевич
Taklif 2020-11-19 15:14:14
Асосий ва шаҳар, туманлар марказларидаги кўчаларда йўл чизиқлари (пиёдалар йўлаклари, йўлни бўлиб турувчи турли чизиқлар)ни маҳаллий ҳокимликлар ваколатидан яна қайтариб ички ишлар бошқармасига бериш лозим.

Фазилова Шоира (Жиззах)
Taklif 2020-11-19 15:13:02
Мамлакатимизда аниқ истеъмол саватчасини шакллантириш ҳамда ушбу орқали аҳолига (ходимларга) маош тайинлаш тизимини жорий этиш мақсадга мувофиқдир.

Зайниддинов Камолхўжа Олимхўжаевич
Taklif 2020-11-19 15:11:12
Чекка ҳудудларда мавжуд кутубхоналар фаолиятини хатловдан ўтказиб (мавжуд кутубхоналарда кўплаб ходимлар ойлик маош асосида ишлайди, лекин биттасиям ўз иш ўрнида мунтазам фаолият олиб бормайди, кутубхонага борсангиз ҳар доим ёпиқ бўлади), янги тизим асосида кутубхоналар фаолиятини йўлга қўйиш ёшларимизнинг комил инсон сифатида шаклланишида муҳим ўрин эгаллайди. (Тошкент вил)

Зайниддинов Камолхўжа Олимхўжаевич
Taklif 2020-11-19 15:05:23
Аҳолини камбағалликдан чиқариш масаласида аниқ, йўналтирилган бизнес режалар асосида фоизсиз кредитлар, қарзлар ажратишни тизимли йўлга қўйиш керак. (Тошкент вил)

Хаитов Мурод Суннатович (Жиззах)
Taklif 2020-11-19 15:04:47
ННТлар томонидан аҳоли ўртасида оналар ва болалар соғлиғини муҳофаза қилиш, маърифий ва тарғибот ишларини кучайтириш, аёлларнинг жамиятдаги мавқеини ошириш, халқлараро дўстлик ва бирдамликни, фуқаролар тотувлигини, аҳолининг кам таъминланган қатламини ижтимоий ҳимоялашни янада мустаҳкамлаш, ёшларни иш билан таъминлаш, кичик ва оилавий тадбиркорликни, касаначилик соҳасини ривожлантириш, ёш авлодни ватанга муҳаббат руҳида камол топтириш борасидаги ишларни янада хам кучайтириш ҳамда ижроия ҳокимияти ва давлат ташкилотлари билан хамкорликни йўлга қўйиш механизмини ишлаб чиқиш.

Маматқулов Музаффар
Taklif 2020-11-19 15:03:30
Халқ депутатлари вилоят, шаҳар ва туман кенгашлари сессияларида овоз бериш жарёнини электрон овоз бериш тизимига ўтказилишини таъминлаш зарур. Шунда овоз бериш жараёнларида адолатлилик ва шаффофликга эришилади.

Уткиржон Отабоев Вахобжонович
Taklif 2020-11-19 15:02:46
Коронавирус билан боғлиқ пандемия пайтида қишлоқларда аҳоли томонидан тез тиббий ёрдам машинасига бўлган эҳтиёжларнинг кескин ортганлигини инобатга олган ҳолда, Хукумат қарори билан белгиланган 13 мингдан ортиқ аҳоли сонига бир дона тез тиббий ёрдам машинаси бириктириб берилиши тўғрисидаги қарорга ўзгартириш киритиш... Яъни аҳоли сони 10 минг киши бўлган аҳоли пунктларига бир дона тез тиббий ёрдам машинасини бириктириш.

Бакиров Отабек (Жиззах вилояти)
Taklif 2020-11-19 15:02:43
Пандемия даврида олий таълим тизими масофавий тарзда амалга оширилмоқда. Лeкин интeрнeт тeзлиги пастлиги ва интернет трафикларининг қимматлиги талабалар, уларнинг ота-оналари ва ўқитувчиларга моддий қийинчиликларни туғдирмоқда. Ўзбекистон Республикаси Олий ва ўрта махсус таълим вазирлиги томонидан талабалар учун интeрнeт тармоғида трафик сарфланмайдиган махсус платформа ташкил этилиши керак. Махсус платформанинг яратилиши талабаларга қулайликларни яратиб, масофавий дарсларда узлуксиз иштирок этиш имкониятини беради.