Маҳаллий тадбиркорлар томонидан ишлаб чиқарилаётган товар ва ҳизматларни сифати ва нархига қараб давлат тақдим этаётган имтиёзлардан фойдаланиш тизимини жорий этиш зарур, яъни маҳсулот сифати юқорилиги ва нархининг ҳамёнбоплиги кўпроқ давлат имтиёзларига эга бўлиш имконини бериши мақсадга мувофиқ.

Туман марказларида урбанизация жараёнларини тезлаштириш ва аҳоли яшаши учун жозибадорлигини ошириш мақсадида канализация тизимини ишга тушириш лозим.

Халқ депутатлари вилоят, туман ва шаҳар Кенгашларига сайлов ўтказувчи туман ва шаҳар сайлов комиссияларига штат бирликлари ажратиш мақсадга мувофиқ.

Бугунги кунда Қарши шаҳрининг аксарият кўп қаватли уйларида иситиш тизими умуман ишламаслиги, шу билан бирга иситиш инфратузилмаси йўқ бўлиб кетгани туфайли аҳоли асосан электр иситгичлардан фойдаланиб келмоқда. Бу эса ўз навбатида мамлакат учун ортиқча электроэнергия сарфига, фуқаролар учун эса ортиқча пул харажатларига олиб келмоқда. Бу борада ҳар бир ёки бир нечта кўп қаватли уйларни бирга иситиш тизимини йўлга қўйиш мақсадга мувофиқ

Товар ва молия бозорларида янги иштирокчиларнинг киришини соддалаштириш.

Хусусий уй-жой мулкдорлари ширкатлари фаолиятини ижтимоий сўров орқали ўрганиб чиқиб, тизимда ислоҳотларни амалга ошириш, ХУЖМШ сарф харажатларини шаффофлигини таъминлаш.

Бозорлардаги тадбиркорлик субъектлари томонидан сотиладиган радиоэлектроиника деталлари ва нано технология (компютер, ноутбук, аудио ва видео қурилма)ларининг аниқ нархланишини қатъий белгилаш лозим. Сотиладиган мазкур товарларнинг ҳақиқатда нархи қанча эканлиги фуқарол учун сир, тадбиркор уни 3 ёки 5 баравар нархда сотаётган бўлса ҳам уни билишмайди. Ушбу воситаларнинг реал нархларини назорат қилиш тизимини яратиш керак.

Солиқ ҳисоботлари таҳлили ҳамда солиқларни тўлаш динамикасига қараб, белгиланган солиқлар ва мажбурий тўловларни ўз вақтида тўлаган солиқ тўловчилар рўйхати Солиқ қўмитаси томонидан шакллантириш, уларга Халқ депутатлари Кенгашлари қарорига асосан келгуси солиқларига имтиёзлар ёки бонуслар тақдим этиш учун таклифлар киритиш таклиф этилади. Бунинг ҳисобига бюджет даромадларини ўз вақтида ва тўлиқ ундириш имкониятлари ошади. Солиқ тўловчиларни рағбатлантириш чоралари кўрилади.

Солиқ тизимига доир ҳар қандай қонун ва норматив ҳужжатларни мазмун-моҳиятини кенг жамоатчиликка манзилли етказиш тизимини жорий этиш. (буклет ва бошқа турдаги тарқатма материал орқали).

Давлат ҳокимияти вакиллик органлари ходимларининг ойлик маошларини кўпайтириш ва уларни уй-жой билан таъминлаш юзасидан имтиёзли ипотека кредитлари ажратилишини назарда тутиш керак.

Тадбиркорлик субъектларига тегишли бино ва иншоотларнинг солиқ ҳисоботларидаги қиймати билан ҳозирги кундаги бозор қиймати ўртасида жуда катта фарқ борлиги натижасида мол-мул солиғидан йўқотишлар кўп бўлмоқда. Ҳозирги кунда тадбиркор фақатгина гаровга қўйиш учун мулкни қайта баҳолатиши ҳеч кимга сир эмас. Солиқ кодексининг 412-моддасига ўзгартириш киритиб, кўчмас мулкларни баҳолаш тизими йўлга қўйиш керак. Бунда, қиймати 500 млн.сўмгача бўлган мулкларни ҳар 3 йилда, 500 млн.сўмдан 1 млрд.сўмгача мулкларни ҳар 2 йилда, 1 млрд.сўмдан ортиқ мулкларни ҳар йилда бир маротаба мажбурий баҳолаш тизимини йўлга қўйиш лозим. Натижада юридик шахсларнинг мол-мулк солиғига тушум кўпаяди, мулкка бўлган муносабат ўзгаради.

Электрон ҳукумат доирасида маҳаллий Кенгашлар фаолиятини такомиллаштириш, депутатларнинг иш самарадорлигини ошириш орқали Кенгашлар иш жараёнига рақамли технологияларни жорий этиш. E.deputat тизимини ташкил қилиб амалиётга татбиқ этиш.

Ўзбекистонда бир неча йиллардан буён давлат томонидан инвесторларга берилган имтиёзлардан фойдаланиб, самарали фаолият юритиб келаётган хорижий инвесторларнинг фаолиятини оммлаштириш.

Ўзбекистон Республикаси Президентининг Ўзбекистон Республикаси Президентининг “Ҳудудларнинг жадал ижтимоий-иқтисодий ривожланишини таъминлашга доир устувор чора-тадбирлар тўғрисида”ги ПҚ-3182-сонли қарори асосида аҳолининг уй-жой ва коммунал шароитларини яхшилаш, ҳудудларни ободонлаштириш ишларини давом эттириш

Вилоятда ташкил этилаётган кичик саноат зоналарини коммуникация (электр энергия, газ ва сувоқава) тармоқларига уланишини тезлаштириш.

Ёшга доир пенсия тайинлаш ва бериш тартибини қайтадан кўриб чиқиш мақсадга мувофиқ. Чунки, ички ишлар органлари тизимида ишлаб пенсияга чиққан фуқаро тўлиқ ишлган даври учун ҳисобланади. Оддий давлат идорасида ишлаб пенсияга чиқадиган фуқаро сўнги 5 йилини ҳисоб китоб қилиш амалиётини қайтадан кўриб чиқиш керак/

Вилоят маркази Қарши шаҳрида илғор хорижий ОТМлари филиалларини очиш.

Содир этилган жиноятларнинг ҳамда уларнинг олиш асл сабабларини ва унга имконият яратган шарт-шароитларни аниқлаш ҳамда жиноят ва жиноят-процессуал қонунчилиги талабларига қатъий риоя қилиш, шунингдек ички ишлар органлари ҳамда бошқа давлат ва нодавлат идоралари ўртасидаги ўзаро ҳамкорликнинг самарали механизмини яратиш юзасидан норматив ҳуқуқий ҳужжат лойиҳасини ишлаб чиқиш. Мазкур ҳужжат асосида ҳамкор ижрочиларнинг қатъий тегишли вазифа ва функцияларини кўрсатиш. Вилоятда ташкил этилаётган кичик саноат зоналарини коммуникация (электр энергия, газ ва сувоқава) тармоқларига уланишини тезлаштириш.

Давлат органлари ва маҳаллий вакиллик институтлари билан интерактив электрон ахборот алмашинувини жорий қилиш. Бунда ер низоси бўйича сўров жўнатилганда кадастр, рўйхатдан ўтиш юзасидан юборилган сўровларга ДХМлардан зудлик билан маълумотлар олиш орқали судда иш юритишнинг тезлашувига эришишни назарда тутиш.

Қонунчиликка масофавий меҳнат фаолиятини олиб бориш тартибини белгилаш бўйича қўшимча ва ўзгартиришлар киритиш.