Олим Умаров
Taklif 2020-11-19 14:49:55
Электр энергия ва бошқа (газ, сув)лар таъминотини мунтазам етказиб бериш тизимини такомиллаштириш лозим. Жумладан, таъминотчи ва истеъмолчи ўртасида тузиладиган шартнома шартларига тегишли ўзгартиришлар киритиш лозим.

Собиржон Худойбердиев
Taklif 2020-11-19 14:49:13
Лойиҳаларни амалга ошираётган тадбиркорларни қўллаб-қувватлаш, унга имтиёз ва ёрдам кўрсатиш мақсадида электр тармоқлари корхонаси ёки маҳаллий ҳокимликлар томонидан тадбиркорга трансформатор учун тўловни бўлиб тўлаш тизимини жорий қилиш лозим.

Бахром Куролов
Taklif 2020-11-19 14:48:18
2019 йилда Қўриқлаш бош бошқармаси Миллий гвардия ва Ёнғин ҳавфсизлиги бош бошқармаси эса Фавқулотда вазиятлар вазирлиги ихтиёрига ўтказилиши натижасида мутахассислар Ички ишлар вазирлиги тизимида қолмаган, бунинг натижасида тадбиркорлар ушбу сохада лицензия олиш имконияти йўқлиги сабабли, Вазирлар Маҳкамасининг 2018 йил 27 октябрдаги 880-сон қарорига қўшимча ва ўзгартириш киритилиши, лицензия бериш масаласини Миллий гвардия ва Фавқулотда вазиятлар вазирлигига ўзгартириш лозим бўлади.

Исомиддинов Муслимбек Мирзомидин ўғли
Taklif 2020-11-19 14:47:28
Бола парвариши учун бериладиган нафақа пулларини ҳамма аёл ходимларга берилиши керак. Mолия вазирлигининг аввалги раҳбарияти томонидан бюджетни иқтисод қилиш мақсадида бюджет ташкилотида ишлайдиган аёлларга иш жойидан бола пули берилмайдиган бўлди. Улар бола пулини фақат маҳалладан олиши мумкин. Унда ҳам оиласи кам таъминланган бўлсагина беришади. Қонунчиликдаги ушбу дискриминацияни бартараф этиш керак.

Олим Умаров
Taklif 2020-11-19 14:47:10
Ун махсулотларини “Биржа савдо”лари орқали ахолига хамда нон ва макарон махсулотларини ишлаб чиқарувчи тадбиркорларга сотишни йўлга қўйиш мақсадга мувофиқ.

Собиржон Худойбердиев
Taklif 2020-11-19 14:46:19
Ўзбекистон Республикаси Вазирлар Махкамасининг 2018 йил 22 октябрдаги 850-сонгли қарорига ўзгартириш киритиш, “Ўздарётранс” уюшмаси томонидан лицензия олишни бекор қилиш.

Фаррух Батыров
Taklif 2020-11-19 14:44:55
Таъсирчан солиқларни қўллаш ва уларни инвестицион лойиҳаларни амалга оширгандан сўнг олиб ташлаш ҳолатларида ишчи гуруҳ аъзоларининг ноқонуний ҳаракатларига чек қўйиш учун ишчи гуруҳ таркибига берилган хулосаларни қонунга мувофиқлиги юзасидан расман фикр бера оладиган (нейтрал идора ходими), қонунчиликни тўғри талқин қила оладиган ҳуқуқшунослар ёки Адлия бўлимларидан вакил киритиш мақсадга мувофиқ.

Фаррух Батыров
Taklif 2020-11-19 14:44:15
Импорт қилинаётган махсулотларни автотранспорт орқали Республика худудига олиб кирилишида шакиллантирилиши лозим бўлган тегишли рўйхатни божхона постини ўзида электрон тарзда шакиллантириш мақсадга мувофиқ.

Фаррух Батыров
Taklif 2020-11-19 14:43:31
Туман,шахар сектор рахбарлари ва бошқа мутасадди идораларига тадбиркорлардан келиб тушган мурожаатларнинг ижроси ягона портал тизими орқали тумандаги Бош вазир қабулхоналарида хисобга олиниши лозим бўлади.Бунда туманнинг иқтисодий ижтимоий холатини бахолашда ушбу кўрсаткичлардан фойдаланиш таклиф этилади.

Хаётбек Таткосимов
Taklif 2020-11-19 14:42:07
Банк хизматчиларини малакасини ошириш, банк хизматларида одам иштирокини камайтириш хамда туманларда хам чет эл инвестицияси хисобига берилаётган имтиёзли кредитларни марказдан эмас тўғридан-тўғри туманларда беришни таминлаш шарт, берилаётган тижорат ва имтиёзли кредитлар аниқ шаффоф холатда банк ички ва ташқи фасадларга электронный табло доимий кўрсатиб бориш, банк хизматларини масофадан юритишни таминлаш, хар бир банк туман даражасидаги ўз ижтимоий тармоғини очиши, (телеграм ва бошка) ва унда доимий шу туманга оид янгиликларни бериш. Ижтимоий тармоқларда МФЙ раиси ва котиби, фаол тадбиркор ва жамоатчиликни кенг жалб қилиш. Тадбиркор банк хизматларига, кредитга оид аниқ тушунчаларга эга бўлади, кам вақт сарфлайди, хизматлар доимий равишда шаффоф бўлиши таминланади.

Абдувохид Эргашев
Taklif 2020-11-19 14:38:00
Тижорат банклари ҳудудий инвестиция дастурларида, аҳоли тадбиркорлигини қўллаб-қувватлаш дастурлари бўйича амалга оширилиши режалаштирилган лойиҳаларда кўрсатилган маблағларга қараб ресурсни шакллантириш талаб этилади. Бунда, хар бир лойиҳани ресурс шакллантирилишдан олдин тўлиқ ўрганиб чиқиб, уларга кредит ажратилиши ёки ажратилмаслигини инобатга олган ҳолда ресурсни шакллантириш лозим. Шунда тижорат банкларида ресурс тақчиллиги юзага келишини олди олинади.

Юсупов Акром Рахматович
Taklif 2020-11-19 14:35:01
Замонавий иссиқхоналар қуриш учун кредитлар ажратиш масаласини қайта ислоҳ қилиш, кредитларнинг мақсадли ишлатилаётганлигини мунтазам мониторинг қилиб бориш механизмини шакллантириш лозим.(Тошкент вил)

Раззоқова Дилфуза Сатторовна (Бухоро вилояти)
Taklif 2020-11-19 14:21:22
Тизимли ахборотлар базасини мувофиқлаштиришни жорий этиш керак, хусусан бир кишининг номида уй борилиги аниқлаш учун туман кадастрдан маълумотнома этсангиз, унинг маълумоти фақат туман доирасида, уйи йўқ деб берган туман маълумотномаси билан имтиёзли уй олсаму номимда Тошкентда иккита квартира бўлса? Ушбу тизимли муаммолар тиббиёт соҳаси касаллик тарихи, архивлаштириш, ФХДЁ, ... ва бошқаларда талайгина...

Фозилов Ихтиёр Нурулло ўғли (Бухоро вилояти)
Taklif 2020-11-19 14:09:39
ЙПХ томонидан Жарима майдончаларига этиладиган машиналарни қўйишда қўйиладиган Жарима майдончалари ва уларнинг тўловларини қатъий тартибга солиш керак. Тўлов қиймати нима ҳисобига белгиланган, нега майдончадаги қулайликлар талабга 10% ҳам жавоб бермайди, мутлақо янгича механизмни татбиқ этиш керак. Жарима майдонини кечаю-кундуз кузатиш имкониятига эга камера, иссиқ ва совуқдан сақлаш бўйича устки қопламалар ва ён атрофнинг қулайликларини кўриб чиқиш керак. Тўланадиган пул учун мажбурий чек тақдим этишни йўлга қўйиш керак. Ҳозирги тўланадиган пул учун на чек беради ва ундан давлатга солиқ тушуми бор, шунингдек мавжуд жарима майдончалари утилизация учун келтирилган машиналар сақланадиган жойдан мутлақо фарқи йўқ.

Жавхаров Алишер Баходирович
Taklif 2020-11-19 13:01:19
Имконияти чекланган фуқароларни ишлатишга ихтисослашган ижтимоий корхоналар фаолияти юзасидан қонун лойиҳасини ишлаб чиқиш. Унда корхона фаолияти ва ишлаб чиқарган маҳсулотлар сифатига ахамият қаратиш юзасидан маълум имтиёзларни жорий этиш зарур

Жавхаров Алишер Баходирович
Taklif 2020-11-19 13:00:23
Дори-дармон воситаларини сотиш нарх-навосини давлат томонидан қатъий назоратга олиш керак. Бу йилги пандемия даврида кўплаб фуқаролар томонидан қийинчиликларга тўғри келдилар.

Жавхаров Алишер Баходирович
Taklif 2020-11-19 12:59:46
Мамлакатимиз тарихини келгуси авлодларга етказиб бериш бўйича тарихий-меъморий обидаларни сақлаш, уларни таъмирлаш бўйича Республика бюджет маблағлари хисобидан сарфлаш чора тадбирларини куриш

Жавхаров Алишер Баходирович
Taklif 2020-11-19 12:59:01
Ёшлар ўртасида жиноятчиликнинг олдини олиш мақсадида харбий-ватанпарварлик акцияларини ташкил этиш, давра суҳбатлари, китобхонлик кечалари, алоҳида тоифадаги ёшлар билан расмий учрашувлар ўтказиш керак

Жавхаров Алишер Баходирович
Taklif 2020-11-19 12:58:30
Республикада фуқароларнинг ҳуқуқ ва эркинликларини ишончли ҳимоя қилиш кафолатларини таъминлаш, бунда истеъмолчиларни ҳуқуқий саводхонлигини ошириш бўйича кенг кўламли тарғибот ташвиқот ишларини амалга ошириш зарур.

Жавхаров Алишер Баходирович
Taklif 2020-11-19 12:57:58
Қорақалпоғистон Республикаси ва вилоятларда замонавий инфратузилмага эга бўлган халқаро, давлат ахамиятидаги автомобил йўлларини қуриш ва мавжудларини таъмирлаб, автомобил қатнови учун қулайликларни яратиш керак. Хусусий автомобиль йўлларини ҳам қуришни ташкил этиш. Шахар ва туманлар марказларидан ўтувчи халқаро ва давлат ахамиятидаги йўлларга қўшимча йўл ўтказгичлар, осма кўприкларни қуриш ишларини жадаллаштириш керак.