Саидов Тохир Тўланбоевич
Taklif 2020-11-19 15:19:25
Давлатимизнинг энергетик салоҳиятини оширишда, қайта тикланувчи энергетик ресурслардан энергия олиш имкониятини берувчи маҳсулотларни ишлаб чиқувчилари ва импорт қилувчиларига маълум имтиёзлар пакетини жорий қилиш керак. (Тошкент вил)

Rajabov Umid
Taklif 2020-11-19 15:19:21
"Mahalliy davlat hokimiyati to'g'risida"gi qonunga tegishli o'zgartirishlar kiritish orqali mahalliy hokimiyat ijro apparatining cheklanga sonini aniq belgilash, hokimlarni mahalliy Kengash raisligidan chiqarish, viloyat hokimlarini ijro hokimiyati vakili bo'lganliklari sababli senatorlik maqomini bekor qilish taklif etiladi.

Маматқулов Музаффар
Taklif 2020-11-19 15:18:00
Қонунчиликда белгиланган талаблар бўйича хар бир ходим мехнат фаолиятини олиб бораётган соҳаси талабларидан келиб чиққан холда бир йилда ёки олти ойда бир маротаба тиббий кўрикдан ўтиши белгилаб қўйилган. Бугунги кунда тиббий кўрикдан ўтказиш соҳалар кесимида пуллик хизмат миқдори белгилаб қўйилган. Лекин ушбу масалада ташкилотларнинг йиллик харажатлар сметасида кўрсатилмаган. Бу ўз навбатида ушбу масалада ходимларга қийинчиликлар келтириб чиқармоқда.

Абдуниязов Хусан Нуриллаевич
Taklif 2020-11-19 15:16:56
Сенат аъзоларини сайлаш тизимини қайта кўриб чиқиш зарур. Сенат аъзолигига кўриб чиқилаётган номзодларни “танланган” шаклда эмас, балки муқобиллик асосида ўтказиш лозим. 6 нафар номзод эмас, балки жами вилоят кенгашининг 60 нафар депутатларининг 1/3 қисмини қамраб олган ҳолда сайлов блютенига киритиш ва тасдиқлаш мақсадга мувофиқдир. Хозирги тизимга кўра 6 нафар номзод маҳаллий ҳокимлик томонидан танлаб олинган номзодларни халқ депутатлари иштирокида очиқ овоз бериш орқали тасдиқланиш лозим.

Холматов Нуриддин (Жиззах)
Taklif 2020-11-19 15:15:34
Маҳаллий Кенгаш депутатлари фаолиятининг самарадорлигини ошириш мақсадида ҳафтанинг бир кунини иш жойидан озод этилган холда сайлов округида сайловчилар билан учрашиш ҳамда улар билан ишлаш имкониятини яратиш мақсадга мувофиқдир.

Абдуллаев Хикматилла Хайруллаевич
Taklif 2020-11-19 15:14:55
Маҳаллий давлат ҳокимияти тўғрисидаги қонунга ўзгартириш ва қўшимчалар киритиш орқали халқ вакиллари, депутатларнинг мавқейини ошириш лозим.(Тошкент вил)

Уткиржон Отабоев Вахобжонович
Taklif 2020-11-19 15:14:30
Маҳаллий ҳокимликларда ижро ҳокимияти ва вакиллик органини алоҳида қилиш; Ижро ҳокимияти органи раҳбари-ҳоким; Вакиллик органи (депутатлар кенгаши) раҳбари-Кенгаш раиси депутатлар орасидан сайланади. Вакиллик органи доимий равишда ижро ҳокимиятининг фаолияти устидан назорат олиб боради. Ҳамда вакиллик органи ижро ҳокимияти устидан тийиб турувчи орган вазифасини ҳам бажаради.

Абдуниязов Хусан Нуриллаевич
Taklif 2020-11-19 15:14:14
Асосий ва шаҳар, туманлар марказларидаги кўчаларда йўл чизиқлари (пиёдалар йўлаклари, йўлни бўлиб турувчи турли чизиқлар)ни маҳаллий ҳокимликлар ваколатидан яна қайтариб ички ишлар бошқармасига бериш лозим.

Фазилова Шоира (Жиззах)
Taklif 2020-11-19 15:13:02
Мамлакатимизда аниқ истеъмол саватчасини шакллантириш ҳамда ушбу орқали аҳолига (ходимларга) маош тайинлаш тизимини жорий этиш мақсадга мувофиқдир.

Зайниддинов Камолхўжа Олимхўжаевич
Taklif 2020-11-19 15:11:12
Чекка ҳудудларда мавжуд кутубхоналар фаолиятини хатловдан ўтказиб (мавжуд кутубхоналарда кўплаб ходимлар ойлик маош асосида ишлайди, лекин биттасиям ўз иш ўрнида мунтазам фаолият олиб бормайди, кутубхонага борсангиз ҳар доим ёпиқ бўлади), янги тизим асосида кутубхоналар фаолиятини йўлга қўйиш ёшларимизнинг комил инсон сифатида шаклланишида муҳим ўрин эгаллайди. (Тошкент вил)

Зайниддинов Камолхўжа Олимхўжаевич
Taklif 2020-11-19 15:05:23
Аҳолини камбағалликдан чиқариш масаласида аниқ, йўналтирилган бизнес режалар асосида фоизсиз кредитлар, қарзлар ажратишни тизимли йўлга қўйиш керак. (Тошкент вил)

Хаитов Мурод Суннатович (Жиззах)
Taklif 2020-11-19 15:04:47
ННТлар томонидан аҳоли ўртасида оналар ва болалар соғлиғини муҳофаза қилиш, маърифий ва тарғибот ишларини кучайтириш, аёлларнинг жамиятдаги мавқеини ошириш, халқлараро дўстлик ва бирдамликни, фуқаролар тотувлигини, аҳолининг кам таъминланган қатламини ижтимоий ҳимоялашни янада мустаҳкамлаш, ёшларни иш билан таъминлаш, кичик ва оилавий тадбиркорликни, касаначилик соҳасини ривожлантириш, ёш авлодни ватанга муҳаббат руҳида камол топтириш борасидаги ишларни янада хам кучайтириш ҳамда ижроия ҳокимияти ва давлат ташкилотлари билан хамкорликни йўлга қўйиш механизмини ишлаб чиқиш.

Маматқулов Музаффар
Taklif 2020-11-19 15:03:30
Халқ депутатлари вилоят, шаҳар ва туман кенгашлари сессияларида овоз бериш жарёнини электрон овоз бериш тизимига ўтказилишини таъминлаш зарур. Шунда овоз бериш жараёнларида адолатлилик ва шаффофликга эришилади.

Уткиржон Отабоев Вахобжонович
Taklif 2020-11-19 15:02:46
Коронавирус билан боғлиқ пандемия пайтида қишлоқларда аҳоли томонидан тез тиббий ёрдам машинасига бўлган эҳтиёжларнинг кескин ортганлигини инобатга олган ҳолда, Хукумат қарори билан белгиланган 13 мингдан ортиқ аҳоли сонига бир дона тез тиббий ёрдам машинаси бириктириб берилиши тўғрисидаги қарорга ўзгартириш киритиш... Яъни аҳоли сони 10 минг киши бўлган аҳоли пунктларига бир дона тез тиббий ёрдам машинасини бириктириш.

Бакиров Отабек (Жиззах вилояти)
Taklif 2020-11-19 15:02:43
Пандемия даврида олий таълим тизими масофавий тарзда амалга оширилмоқда. Лeкин интeрнeт тeзлиги пастлиги ва интернет трафикларининг қимматлиги талабалар, уларнинг ота-оналари ва ўқитувчиларга моддий қийинчиликларни туғдирмоқда. Ўзбекистон Республикаси Олий ва ўрта махсус таълим вазирлиги томонидан талабалар учун интeрнeт тармоғида трафик сарфланмайдиган махсус платформа ташкил этилиши керак. Махсус платформанинг яратилиши талабаларга қулайликларни яратиб, масофавий дарсларда узлуксиз иштирок этиш имкониятини беради.

Жабборо Элдор Фурқатович
Taklif 2020-11-19 15:01:40
Чекка ҳудудларда хам аҳоли орасида, шунингдек, ёшлар ва аёллар орасида тадбиркорликнинг ва бизнес юритишнинг замонавий йўналишларини шакллантириш, кўникмаларини ошириш чора-тадбирларини ишлаб чиқиш.

Маматқулов Музаффар
Taklif 2020-11-19 15:00:59
Айрим ҳудудларда мактабгача таълим муассасалари сони яъни бир туман ёки шаҳарда 100 тагача, айримларида 100 дан ортиқ, айримларида эса 50 тагача мавжуд. Ушбу мактабгача таълим массасаларида (бола қамрови) сонига қараб услубчи штат бирликларини белгилаш мақсадга мувофиқдир.

Юсупов Акром Рахматович
Taklif 2020-11-19 14:58:33
Умумий ўрта таълим мактаблар фаолиятига ҳар хил аралашувларга чек қўйиш (ҳар хил давлат органлари ўз ҳисобларига пул тушириш керак бўлса мактабларга келиб ҳар хил кўринишдаги жарималарни расмийлаштириб кетиши урф бўлган, масалан опх сигнализациялари ўрнатилмаганлиги учун ёнғин хавфсизлик ходимлари мактаб директорини жаримага тортиши) ҳозирги кунда таълим тизимида вужудга келиши мумкин бўлган коррупцияни олдини олишга туртки бўлган бўлар эди.(Тошкент вил)

"Юксалиш" умуммиллий ҳаракати Самарқанд вилоят бўлинмаси
Taklif 2020-11-19 14:52:08
Ўсимлик ва ҳайвонот дунёсига, атмосфера ва сув ресурсларига зарар етказганлик учун жавобгарликни назарда тутувчи жавобгарлик чораларини қўллаш ижобий ҳолат. Қадимда ўзимизнинг ота боболаримиз яшаган даврда сувга, табиатга эҳтиёткорона муносабат, яъни экологик маданият ижобий ҳолатда бўлган. Шу нуқтаи назардан, бу борадаги тарбия воситаларини, экологик маданиятни юксалтириш тизимларини қатадан кўриб чиқиш, шунингдек экология барқарорликни таъминлашнинг турли хил майда, камхаражат лойиҳаларини ишлаб чиқиб амалиётга жорий қилиш мақсадга мувофиқдир. - Шаҳриёр Холбоев (ДБА Самарқанд филиали бош мутахассиси)

Уткиржон Отабоев Вахобжонович
Taklif 2020-11-19 14:50:43
Давлат бошқаруви органларининг раҳбарлик лавозимларида ёш билан боғлиқ (кексалик) чекловларни жорий қилиш; Бунда, -нафақа ёшидан ўтган раҳбар ёки ўринбосарлар ҳамда бўлим бошлиқларининг мазкур фаолият тури билан боғлиқ бўлган соҳасида ёш, билимли, креатив ва ижодий фикрловчи кадрлар мавжуд бўлганда, ушбу нафақа ёшидаги раҳбарларни ўз ловозимидан озод этиш; -нафақа ёшидан ўтган раҳбар ёки ўринбосарлар ҳамда бўлим бошлиқларининг мазкур фаолият тури билан боғлиқ бўлган соҳасида ёш, билимли, креатив ва ижодий фикрловчи кадрлар мавжуд бўлгмаганда, ушбу нафақадаги раҳбарларга бир йил муддат ичида ўзи фаолият олиб бораётган соҳа бўйича ёш, салоҳиятли кадрларни устоз-шогирд принципи асосида раҳбарликка тайёрлаш вазифаси юклатилсин.