Содиқов Ҳабибулла Рустамович
Taklif 2020-11-24 14:03:51
Миллатлараро тотувлик асосида миллий спорт турларини ривожлантириш мақсадида ҳамда олипиада ўйинларига тайёргарлик босқичи сифатида туркий халқлар ўртасида "Туркий халқлар ўйинлари" спорт мусобақаларини ўтказиш керак. (Тошкент вил)

Саидов Тохир Тўланбоевич
Taklif 2020-11-24 13:55:15
Ҳудудларда мавжуд маданият уйларини, айниқса чекка ҳудудлардаги маданият уйларини ялпи хатловдан ўтказиб, бу маданият уйларида нафақат мактаб ўқувчилари балки катта ёшдаги фуқароларни ҳам жалб қила оладиган тўгараклар фаолиятини йўлга қўйиш керак.(Тошкент вил)

Отахонов Муҳаммад Қандимович (Бухоро вилояти)
Taklif 2020-11-24 13:49:38
Йўллардаги жамоат транспортлари ҳаракат қиладиган аҳоли йўлни кесиб ўтиши юқори бўлган йўл соҳалари яқинида секинлаштириш мақсадида ўрнатиладиган йўл тўсиқларини тегишли давлат органлари томонидан ўрнатилишини назоратга олиш, ўзбошимчалик билан ўрнатган фуқароларга нисбатан жавобгарлик чораларини кучайтириш

Содиқов Ҳабибулла Рустамович
Taklif 2020-11-24 13:43:47
Ўзбекистон Республикасида қишлоқ хўжалигида ишлатиш учун учувчисиз қурилмалардан фойдаланиш имкониятларни яратиш ва учувчисиз қурилмаларни давлатга олиб кириш учун имтиёзлар бериш керак. (Тошкент вил)

Собиров Анвар Аскарович (Бухоро вилояти)
Taklif 2020-11-24 13:40:47
Кўп қаватли уйларда яшовчи фуқароларнинг уйлари учун ширкат томонидан йиғиладиган тўловлар бўйича мажбуриятларни қатъий асослантирилган тартибини тадбиқ этиш.

Собиров Анвар Аскарович (Бухоро вилояти)
Taklif 2020-11-24 13:40:47
Кўп қаватли уйларда яшовчи фуқароларнинг уйлари учун ширкат томонидан йиғиладиган тўловлар бўйича мажбуриятларни қатъий асослантирилган тартибини тадбиқ этиш.

Зайниддинов Камолхўжа Олимхўжаевич
Taklif 2020-11-24 13:39:18
Ўзбекистон Республикаси фуқароларига кўп хотинлик ҳуқуқини яратиб бериш керак.

Ҳусенов Афзал Фирдавсович (Бухоро вилояти)
Taklif 2020-11-24 13:36:50
ЙПХ ходимлари учун мавсум тақозо қилган тақдирда организмнинг хотира ва асаб тизимига салбий таъсир қилмайдиган миқдорда яъни тиббиёт талаби бўйича давлат томонидан спиртли ичимлик воситаси истеъмолини жорий қилиш керак.

Ҳусенов Афзал Фирдавсович (Бухоро вилояти)
Taklif 2020-11-24 13:36:50
ЙПХ ходимлари учун мавсум тақозо қилган тақдирда организмнинг хотира ва асаб тизимига салбий таъсир қилмайдиган миқдорда яъни тиббиёт талаби бўйича давлат томонидан спиртли ичимлик воситаси истеъмолини жорий қилиш керак.

Фозилова Иқболой Холмурод қизи (Бухоро вилояти)
Taklif 2020-11-24 13:26:01
Ходим бир ишхонада 8 ой ишлаб бошқа корхонага ишга ўтди, у ерда ҳам 6 ой ишлаб яна бошқа ишга кўтарилди. Ходимнинг иш ҳаққи якуний ҳисоб-китоб харажатлари амалга оширилади. Бироқ бир йил тўлиқ ишламагани учун дам олиш таътили берилмайди, меҳнат таътили беришни турли соҳаларда ишлашидан қатъий назар бир йил бўлганда бериш тартибини жорий қилиш керак.

Абдуллаев Хикматилла Хайруллаевич
Taklif 2020-11-24 13:23:57
Миллатлараро тотувликни тарғиб қилган ҳолда, барча Ўзбекистон фуқароларининг миллати, дини, ирқи ва ижтимоий келиб чиқишидан қатъи назар Ўзбекистон фуқароси эканликларини эътироф этган ҳолда, Ўзбекистон Республикаси фуқаролиги тўғрисидаги паспортдан миллати деган бандни олиб ташлаш керак. (Тошкент вил)

Дусияров Шерзод Холмуротович
Taklif 2020-11-24 13:18:31
Хорижий мамлакатлар тажрибасига асосан, фойда солиғини тўловчи кичик корхоналарга солиқ юкини камайтириш ва рағбатлантириш мақсадида фойда солиғи ставкасини амалдаги 15 фоиз ставкага нисбатан пасайтирилган 10 фоиз солиқ ставкасини қўллаш ва фойдасига нисбатан табақалаштириш (регрессив) лозим. Ўзбекистон Республикаси Президентининг Мурожаатномасида қонун лойиҳасини ишлаб чиқишда кичик ва ўрта бизнес вакилларини рағбатлантириш механизмларини ишлаб чиқиш вазифаси қўйилган. Хорижий мамлакатлар Япония, Сингапур, АҚШ, Буюк-Британия ва ЕИ мамлакатларида корпорация фойда солиғи ставкаси кичик корхоналарга пасайтирилган ва табақалаштирилган ставкада солиқ ундирилади. Масалан: Францияда стандарт ставка йирик корхоналарга 33,33%, кичик корхоналарга 15%, Буюк-Британияда стандарт ставка 30% кичик корхоналарга 20%, Японияда стандарт ставка 30%, кичик корхоналарга 18%, АҚШда стандарт ставка 39% кичик корхоналарга 20%, Жанубий Кореяда стандарт ставка 24% кичик корхоналарга 12% белгиланган.

Қудратов Исомиддин Шавкатович (Бухоро вилояти)
Taklif 2020-11-24 13:15:12
фуқаролар уйларида ижарада яшовчи Ҳарбий хизматчиларнинг ижара тўлови давлат томонидан берилади, мазкур тартибда ижара ҳаққи ўзара уй эгаси билан келишилади, келишувда белгиланган тўлов қийматини баҳолаш механизмини жорий этиш керак.

Содиқов Ҳабибулла Рустамович
Taklif 2020-11-24 13:11:25
Қонун устуворлигини таъминлаш учун аввало қонунларнинг халқ тушунадиган содда ва аниқ тилда баён этилиши муҳим рол ўйнайди, асосий қонун бузилиш ҳолатлари кўпчилик ҳолларда қонунларни тушунмасликдан келиб чиқишини инобатга олиб, мавжуд қонун ҳужжатларини ялпи лингвистик экспертизадан ўтказиш керак. (Тошкент вил)

Мухторов Азмзбек Хусниддин ўғли
Taklif 2020-11-24 12:47:56
Мамлакатимизда экстремизм, терроризм ва мутаассибликни тарғиб қилувчи ғояларнинг олдини олиш бўйича аниқ чора-тадбирлар амалга ошириш керак.

Наргиза Мухамадиева Лапасовна
Taklif 2020-11-24 12:46:59
Республикамизда диний экстремизмга алоқадор фуқароларни соғлом ҳаётга қайтариш, уларнинг ижтимоий-маиший муаммоларини аниқлаш ва ҳал этиш, аҳоли ўртасида зарарли диний ғоялар таъсирига тушиш ҳолатларининг олдини олиш бўйича ишларни янада такомиллаштириш; мазкур тоифадаги шахсларнинг бандлиги, таълим олиши, ижтимоий ҳимоясини таъминлашга оид чора-тадбирларни амалга ошириш зарур.

Боймирзаев Нодирбек Илхомжон ўғли
Taklif 2020-11-24 12:45:12
Мамлакатда табиий офатлар оқибатида зарар кўрган аҳолига етказилган зарарни қоплаш тартибини белгилаш орқали ваколатли органлар ва фуқароларнинг бу борадаги ҳуқуқ ва мажбуриятларини аниқлаштириш; маҳаллий давлат ҳокимияти органлари техноген хавфли ҳудудларда қурилишнинг олдини олиш бўйича масъулиятини ошириш юзасидан таклиф ишлаб чиқиш керак.

Наргиза Мухамадиева Лапасовна
Taklif 2020-11-24 12:44:27
Қўшни давлатлар билан ҳамкорликни янада яхшилаш бўйича мавжуд тўсиқларга биргаликда ечим топиш керак. Бунда; иқтисодий алоқаларни ривожлантириш, ўзаро савдо ҳажмини ошириш ва кооперацияни мустаҳкамлаш учун қулай шароитлар яратиш; минтақада сувдан адолатли фойдаланиш масалаларини тезкорлик билан ҳал этиш бўйича чора-тадбирлар ишлаб чиқиш зарур.

Жавхаров Алишер Баходирович
Taklif 2020-11-24 12:43:22
Республикамизнинг ҳар бир ҳудудидаги мавжуд маданий мерос ва архитектура объектларидан туризм йўналишига киритиш имконияти бор объектлар рўйхатини шакллантириб, зиёрат ва анъанавий туризмни ривожлантириш зарур.

Наргиза Мухамадиева Лапасовна
Taklif 2020-11-24 12:42:38
Бирламчи тиббий-профилактика ёрдами муассасаларида 40 ёшдан ошган фуқароларни махсус текширувлар ва саволнома асосида юқумли бўлмаган касалликларни келтириб чиқарувчи хавф омилларини эрта аниқлаш бўйича скрининг тадбирларини ўтказиш ишлари олиб бориш